مصر… الكلمة اللي أول ما تتقال، يحس بيها القلب قبل اللسان.
بلد قرارها من راسها، ولقمتها من فاسها، وحكامها من ناسها.
مصر اللي مهما تعبت أو اشتدت عليها الأيام، بتفضل واقفة على رجليها بثبات وشموخ، ما تعرفش انكسار ولا خضوع، غير لرب العالمين.
هي مصر اللي بتفرح للكل من قلبها، وبتضحي دايمًا بحب وإخلاص، علشان سلام غيرها قبل سلامها، وكرامة غيرها قبل كرامتها.
بلد اتعودت تكون دايمًا في الصف الأول، وقت الجد تلقاها، ووقت الأزمة تلاقيها بتسند وتساعد.
في كل اختبار، بتثبت إنها مصر اللي ما بتنحنيش، مصر اللي بتكتب تاريخها بنفسها، بحكمة قادتها، وبعزيمة شعبها اللي دايمًا واقف في ضهرها.
تحيا مصر… أم البلاد وغوث العباد.
تحيا مصر… بلد الأمن والأمان والسلام.
ويارب تعيشي دايمًا يا أجمل البلاد، يا فخر كل زمان، يا ضحكة في وش الدنيا، ويا قلب عمره ما خان.
رابط مختصر للخبر:
https://masrsa3a.com/?p=46166
