كتب/ احمد عمار الشطوري
الحق ما شهدت به الأعداء ،ومدحت شلبي الشهير بشلبوكا واضح إنه دخل في مرحلة فقدان المصداقية تمامًا واتعمل عليه احلي حفلات امبارح بسبب اللي قاله في برنامجه ان فيزا الكابتن محمود الخطيب لأمريكا اتـرفضت ، وهو ادعي انه تعبان ومريض
الضربة القاضية جت من خالد الغندور نفسه اكثر واحد متعصب للزمالك ومنحاز ضد الاهلي وقرر يطلع يكشف الحقيقة بالدليل:
اسم محمود الخطيب كان موجود رسميًا في قائمة المسافرين على طيران الإمارات متجه لأمريكا وكان رقم ٦ في القائمة
الفيزا اللي اتنشرت حقيقية مليون في المية، مش فوتوشوب ولا ذكاء اصطناعي زي ما مدحت حاول يلمّح.
الأهلي طلع بيان رسمي وأعلن إنه هيرفع قضية وبلاغ للنائب العام ضد مدحت شلبي، وده معناه إن النادي واثق من موقفه 100%.
الغندور كتبها صريحة:
“إزاي رئيس أكبر نادي في مصر وأفريقيا، مدعو رسميًا من الفيفا، يتقال عليه إن فيزته اترفَضت؟! ده كلام كاذب ومش منطقي.”
دلوقتي الموضوع بقى واضح.. مدحت شلبي حاول يختلق قصة من العدم عشان يهاجم الأهلي والخطيب، لكن الحقيقة ظهرت وبانت.
وبالتالي، زي ما قال الغندور: الاعتذار لازم يكون للخطيب أولاً، ولشعب مصر كله ثانياً، لأن الإساءة طالت صورة البلد مش مجرد شخص.
اعتقد ان دي هتكون نهاية مدحت شلبي
