مكالمة من رقم غريب أو رسالة فيها لينك مجهول ممكن تكون بداية محاولة لسرقة حسابك البنكي، خصوصًا مع زيادة الاعتماد على تطبيق إنستاباي في تحويل الأموال وإجراء المعاملات المالية اليومية.
ومع تطور أساليب الاحتيال الإلكتروني، بقى تأمين حسابك ضرورة مش رفاهية، علشان تحافظ على فلوسك ومتقعش ضحية للمحتالين.
إزاي تحمي فلوسك على إنستاباي؟
1. متشاركش رمز التحقق:
ممنوع تبعت أي كود OTP لأي شخص، حتى لو قال إنه موظف في البنك.
2. متفتحش روابط مجهولة:
تجاهل أي رسالة بتطلب منك تحديث بياناتك البنكية من خلال لينك غير موثوق.
3. أمّن موبايلك:
استخدم كلمة مرور قوية أو بصمة لتقليل فرص الوصول غير المصرح به لهاتفك.
4. متفصحش عن بياناتك السرية:
احتفظ بالرقم السري للتطبيق وبيانات حسابك لنفسك.
5. خلي بالك من المكالمات المزيفة:
أي شخص يطلب منك بيانات حساسة بحجة تأمين حسابك ممكن يكون محتالًا.
6. تابع معاملاتك باستمرار:
راجع التحويلات والإشعارات البنكية، واتواصل مع البنك فورًا لو لاحظت أي عملية مشبوهة.
7. حمّل التطبيقات من مصادر رسمية:
تجنب النسخ المجهولة أو الروابط التي تدعي تقديم خدمات بنكية، وتذكر دائما إن البنك لم هيطلب منك الرقم السري أو رمز التحقق في مكالمة أو رسالة.
