بسبب شاحن التليفون مصرع ام واولادها وستهم ٦ افراد شبرا الخيمه

كتب/ احمد عمار الشطوري
تسبب شاحن التليفون في وفاة أم واولادها وستهم ساكنين في شقة في شارع عزيز المصري المتفرع من شارع بيجام في شبرا الخيمة .

زي اي حد في الدنيا حد حط الموبايل عالشاحن ونام بس وهما نايمين الشاحن ضرب وعمل شرارة مسكت في العفش وفي لحظة الدنيا قلبت لكورة لهب، المطافي جت بسرعة بس معرفتش تدخل من البياعين اللي فارشين عالارض في الشارع وللاسف كان الموضوع انتهى خلاص.

النتيجة هي وفاة العائلة كلها النهاردة الصبح.

الشواحن المضروبة خطر والنوم جمب الشواحن خطر والمشتركات الرخيصة خطر والفيش اللي مبتفضلش خطر والبيوت اللي مفيهاش طفايات خطر والتعديات اللي بتاكل من الشارع خطر والبياعين اللي قافلين الشوارع خطر.