كتبت جنة جمال
استعد فريق ضخم من المحامين للدفاع عن المخرج عمر زهران في اتهامه بسرقة مجوهرات شاليمار الشربتلي، زوجة المخرج خالد يوسف.
وحضر ثاني جلسات محاكمة المخرج عمر زهران والتي من المقرر الاستماع لمرافعات الدفاع بها، كلا من والمحامي طارق جميل سعيد والمحامي محمد حمودة وعدد آخر من المحامين للدفاع عن عمر زهران.
و سرد أحمد زهران في بداية الجلسة السابقة، قائلاً” خالد يوسف قالي إن فيه مجوهرات كتيرة ضايعة من مراتي، قولتله مراتك مهمله اكيد ضاعت في الشقة دور فيها، وانت بتقول إن الحاجات دي كانت في شقة الفورسيزون، ودي شقة زي المخزن فدور كويس”.
وأكمل ” وبعدين اتفاجأت بشاليمار بتطلب مني ادور معاها على المجوهرات في الشقة، ولكن انا رفضت، وبعدين طلب مني خالد يوسف نفس الطلب وكمان رفضت، ماكنتش فاهم إيه سبب اصرارهم الكبير ده عليا، لحد مافي مرة روخت ادور مع شاليمار في الشقة، ومعاها 2 شغالين معاها وساعتها خالد يوسف كان مصمم يعرف إحنا دورنا فين بالظبط، قلتله على كل الأماكن إلا غرفة كانت مقفولة”.
وأوضح قائلاً ” وقالي خالد يوسف إنه هيدور في الاوضة دي بس أصر عليا امشي مش فاهم ليه، وبعد صلاة الجمعة رني عليا خالد وقالي ارحله كنت لابس لسه جلبية الصلاة وروحت ادور معاه في الأوضة المقفولة لحد ما فتحت دولاب لقيت شنطة في وشي فتحناها كانت مليانة مجوهرات”.
وتابع: “ولما شاليمار شافت الحاجات دي قالت انها غير الحاجات اللي اتسرقت يعني أنا لو عايز أسرق حاجة ما الشنطة دي كلها كانت قدامي وفيها ساعة الملكة فريدة اشترتها شاليمار من مزاد علني، وكمان شاليمار قالت إني سرقت منها حاجات بـ250 مليون جنيه ولما لقيت نفسي مش عارف اتصرف فيها رجعتلها حاجات بـ200 مليون واحتفظت بمجوهرات بـ50 مليون”.
وأكمل حديثه موجهًا للقاضي “معلش يا فندم هو انا حمـ.ـار عشان أعمل كده، أرجع حاجات سرقتها ، طيب ما كنت رميتها في النيل احسن ما افضح نفسي “.
